學員見證

Hi 作，多謝你辨呢個課程。 對於我這個嚴重社恐又 I 嘅人嚟講，要經營自媒體真係好有壓力（但我知為事業發展，一定係咁行）， 我每次出片其實都會瞓得好差，好緊張出嚟嘅反應唔好。 但我上完你第一晚嘅堂，已經諗通咗： 快樂應該建基於內在 (I,e, 進步嘅過程)，而不是外在不可控嘅事程 (結果)。 我瞓得好咗好多。 多謝你❤️

作爺❤️報名你課程時 其實我係完全唔知道你教啲咩 都無睇你的 Zoom 就報左 經歷事業同個人好多瓶頸 純粹想知道你點解內核咁強大 好想知道點解你一直可以唔理外界 點樣睇做你想做嘅事？ 對你很好奇就報左名， 無諗過原來你教班咁認真 咁有邏輯系統分析 上很多外面課學過，高我 高板本自己，但很多時都 純粹靠直覺，冥想， 有時我覺得嗰個可能自己認錯咗 係小我都唔出奇， 原來可以咁邏輯理性進行呢件事 我上了3日課堂，我用你方法去做 好務實，直接，有效，我做決定快左 而且內心都平靜左👍希望你的班發揚光大，香港好多人需要斯多葛🙌

hi Jo 俾返少少個人 feedback 你～ anyway 人到中年，發現咗一個現象身邊有好多人認識佢咁多年都從來冇改變過、仍然都喺度 Loop 緊生活上面面對緊一啲處境，但然後自己唔去改變，或者唔知要點改變。 我自己都係比較內耗嘅人，亦都唔係一個內心強大好有自信嘅人，做一人生意，其實都面對好多公司嘅困境或者面對客人甚至係面對我日常生活，好多時對對自己好多質疑或者好多無謂嘅嘢會阻住我一路前行（深深咁樣感受到），所以我覺得我需要認真改變一下思維。 其實你未開課程之前你俾我最印象深刻嘅係你同鍾培生嘅訪問...覺得你係真係幾有智慧嘅一個人。 然後留意咗呢個課程幾個月，覺得可以一試。首先都感謝你用心教導因為真心咁樣每一日幾粒鐘嘅 presentation 絕對唔容易👍一個哲學概念可以由淺入深去講絕對唔容易，而且仲要應用。我上過 CBT 導師冇你教得咁好👍 上完三日堂，我覺得呢套理論係 work ……

感謝你3日的精彩課程！ 本身係出於好奇同埋想了解一啲新 concept 而嚟，開始聽既時候、其實有種似層相識既感覺，覺得有部份同一啲管理概念係類同，再聽深入啲其實只係表面類似，實際係理念上有頗大差別；但係咁樣反而令我反思，係人生生活上，我哋都好需要一套自己既信念/管理系統，去指引我哋，點樣先可以有把握過得幸福同開心！感謝你介紹斯多葛的哲學、香港應該更多人了解斯多葛！

hi 作 Sir 好多謝你呢幾日嘅分享，我好 enjoy3日嘅學習，好想跟你分享我的感受 ;) 消化左2日，自己再整理一次思維，我覺得我明白左而家自己嘅現況，2年前我經歷了婚姻和事業雙重的錯敗，用了很多方法走了出來，覺得自己好勇敢，覺得自己的韌性高了超多，日子過得很好，內心很平靜，但平靜到有d唔對路，有種難以言喻的空虛感，上完堂我大概知道自己少左邊一部分，係 Arete，可能當一個人不再追求卓越，人生就好悶，遊戲就唔好玩，唔知我有冇理解錯，但起碼我感覺搵到一D自己嘅盲點，呢個課程精簡到位，亦開啟左我探索更多 Stocism 嘅興趣，好彩有 join，Thanks again!

上完3日斯多葛堂，真係要多謝作 Sir 你既分享，因為呢套哲學完全影響左我面對挑戰既態度。之前既我好易緊張咩都驚一餐同好在意人地點睇我，依家心態完全唔同左，亦知點去應對。 以前遇到令自己唔開心既事，就去睇下類似治愈心靈既書同網上影片，睇完嗰下都會有啲幫助但好快又過左一排之後就無用，反而經過上你呢3堂，你教嗰套好易明同可以持續 apply 喺自己所遇到既事，就算上完堂接近一個禮拜，喺你堂學到既都好實在嚟用得返。我自己最快 apply 到係教小朋友身上，上完堂第二日教佢地做功課心情都平靜左好多🙈。 呢套哲學連我既癌症級別拖延症都改善埋，所以好多謝作 Sir 你分享斯多葛哲學，上你堂好有趣，現場氣氛好好，呢一套哲學真係好值得令更多人認識。

截圖內容摘要：一位學員分五張圖講自己喺人生低谷期間上堂嘅感受。以前唔信任香港嘅課程、驚被騙，亦因為怕受傷害而推開咗身邊嘅人；上完三日之後覺得對人生幫助好大。原文請睇截圖。

作爺，上完3日課，完全感受到你對 stoicism 同人生的熱誠，這是我上過最好的堂及令我開竅，更加看清做人是怎樣一回事，我應該往後每遇到 stimulus/ challenge 都會用呢套方法去思考同解決問題。 唯一要挑剔的，是個收費好 Seneca😂，不過一分錢一分貨，都係值既，加油!

To be honest, I found stoicism is the thing I look for, no matter it's called as philosophy or living concept or what I only know that it's really help me in which I tried different aspects in past few years before, no matter 身心靈，催眠師課程，水晶，風水命理 etc ... nothing can really 講得明我講得通，而我肯聽又真係可以實踐到 Which stoicism is. 而家我每一日無論發生咩事，我真係好記得你教嘅系統 framework, 而我相信好多人只係未知道呢樣嘢，而呢樣嘢係可以更加幫助到更加多人，當然其實幫人都係等於幫自己。

Hi Jo , 在此 特別想感謝你🙏😊 上完了3晚的斯多葛課程，再經過2日的思想沈澱。作為一個已讀完輔導碩士好幾年的我來說，在短短9個小時內，便已讓我找到 自己之前看不到的問題。在此，特意致謝❣️💗 你讓我們 利用特定的框架 去思考。利用這個方法，很多問題，隨之 便會散去。比起 在輔導室內，要用起碼年/ 月，才找到的答案，有時候，直接讓 client 知道自 ……

作爺～上完你三日嘅斯多葛令我有種茅塞頓開嘅感覺，有好多之前諗唔通亦冇人話俾我知既想法，原來係可以排解，原來做人係可以舒服d，我會學以致用，搵返同活出自己，多謝你用心既教學！

Hi Jo 感謝你整理歸納並分享了 Stoicism。這是一門看似簡單的門派。理論方面要記的點不多，道理聽上去也很容易明白 不會覺得高深莫測 實際上是很實用的一套理論，結果如何就要看以後的修煉了。做人也許不需要求神拜佛才能獲得美滿人生。看過不少的書 不少宗教和其他哲學的書 希望從而明白什麼是快樂，如何才能快樂 但有時看得越多 疑問越多。例如 常常聽說要做個好人 但人站在不同立場 黑白間有灰。上完之後，覺得思緒變得清晰堅定，就追住四樣嘢 就足夠讓我們有一個 flowing happy life。也讀過你如何成為大律師和做保險的經歷 發現你一直很努力。像你生活這麼富足都咁仲努力；像你撲街咁多次都繼續企係度；像你外表不是十分出眾都自信滿滿。真的啟發了我不少 感謝你。

作，其實我嚟上堂係純粹想睇吓讀書叻/名校出嚟嘅人腦袋係諗乜嘢，但原來唔關事。Btw 我對唔同人嘅價值觀同思維模式幾有興趣，一開始係 through sgcouple&你個哲學 Page 語錄了解，覺得有用。 另外依家好多香港人有情緒有問題，我身邊都有一部份受情緒困擾嘅朋友，而咁啱佢哋亦都好鍾意搵我傾訴。我作為呢班嘅玄學代表😂 係算命嘅角度同科學嘅角度（check 過基因測試），都指出我係一個比較容易有焦慮傾向嘅人🫢基於呢個原因，我亦都想慢慢加強我嘅理性思考& 係我報班嘅其中一個原因：預防勝於治療😂 So far 學完3日覺得自己都幾 Stoa，可能當中有啲概念有喺其他範疇接觸過（which 上堂先知 Stoicism 係 origin😮），而學完令我有一套明確嘅框架嚟解釋自己平時嘅反應/思維模式，幾有趣！學到嘢☺️

Hello 作, 我係 stoa 九月班既同學。我係一個好易內耗同好 care 人哋既批評既人。上完三堂之後，認識左斯多葛哲學，心態上同思維上都俾到我有唔同既諗法。多謝你清晰同幽默嘅講解，令我地有更清楚咁了解到斯多葛哲學。 Thank you👍

絕大部份人的智商都差唔多，個分別就係有冇受過 systematic 的訓練。 我哋基本上讀過小學，中學，甚至大學嘅人，大家接受嘅訓練都差唔多。 但係喺啲思想上，我哋本身係冇人教點樣訓練，大家都係自己摸索屬於自己嗰套，非常花費時間，亦都有可能行錯方向。 我學完呢一套 stoicism 後，非常認同呢一套嘢。 因為我發覺好多人其實好矛盾，理性知道點樣做，但係感性上接受唔到。理性和感性經常衝突，導致情緒內耗，非常之攰，而且好難向到目標進發。 成日都聽到佢哋：講嘅說話，同做嘅行為完全唔同，沒有一致性。 Stoicism is such a systematic framework to ensure our thoughts and actions are in sync 令到我哋內心平靜，唔會出現情緒內耗的問題，可以更加 Focus 到喺個 ……

This was the best H█████ I have ever spent on a course! I pretty much joined at the last minute as I felt desperate for a change. In three days, Jo offered a very handy roadmap that literally sorted out most of my "life issues". In fact, now I have realised most of them should never have been an issue to begin with. I was the one who made them an issue - whether big or small - and all for a lost cause. All it takes is a pause, a shift of mindset and acting in accordance with wisdom and virtue. I used to feel like a victim a lot growing up like I didn't have a choice and I constantly thought life was unfair. Well, who says life is fair? And that's a fact - just accept it and focus on "what matters". Now I feel empowered and I am going to make the best out of what I am given in this given time and keep pushing. Thanks Jo for introducing us to Stoicism. I have to admit it is life-changing.

+1 有排好負嘅時候，逼自己諗野要正面d有自信，好事先會發生。但真係諗唔到方法，最後個腦好似有兩邊人係到嘈交咁，好迷失。咩都想嘗試控制 我都遇到吸引力法則呢個 pitfall，成日都老膠戰，叫自己諗返好啲，驚吸到啲唔好嘅嘢返嚟 …觀，好少會諗一啲唔好嘅事情會係身上發生，可能過去有少少潛意識逃避嘅心理，即使可能有1秒個腦飄過會有唔好嘅事發生，但都好快就會俾自己唔知那來的自信嘅正面推走咗（我估可能有啲吸引力法則嘅想法，覺得如果會諗唔好嘅嘢，就會吸引唔好嘅事發生，所以好多時候都會即刻轉念，淨係會諗啲正面嘅事情）到真係有一啲不如意嘅結果出現，就會令到… +2 我之前都有逼自己用吸引力法則，要 positive thinking，好事先會來。結果我係不斷諗唔到，事情變差我不斷失望 最慘嘅係，仲要俾身邊嘅人話我點解諗嘢咁負面，個人可唔可以正面啲，俾人咁樣話搞到自己都好 lost

Hi Chok this is ███! 今日大家喺到唔好意思講 hahaa 但真心覺得呢3堂我獲益良多。 我係3個月前開始聽你 podcast，嗰陣都啟發左我好多，欣賞你可以輕鬆用文字將我內心既想法表達出嚟。 剛巧報名前後，無論自己定朋友都碰上人生低潮 (which is neutral in stoic now😂)，慶幸喺不知所措嘅情況下遇到你，令我諗通左好多野，開始對返生活有憧憬 多謝你！！！！

多謝 Jo 你力推 Stoicism，真係解決左我內心好多對人生嘅疑惑，尤其喺面對人生意義、生離死別時。 近幾年，唔知點解好似硬係去唔返以前好容易開心嘅狀態； 見到你近期不停分享你嘅學生認識 Stoicism 後，聲稱三晚迅速解心結， 基於呢幾年見你點跌低都似乎心境平靜、 超好奇你話自己運用咗十幾年嘅呢套哲學到底有幾好用？ 第一晚上堂， 已經明白點解長期躺平會唔開心， 同時，回想起過往每個感到幸福嘅時刻， 做緊嘅事正正同 Stoicism 提出嘅人生重點不謀而合（不過份劇透）； Thank you Stoicism! Thank you Jo! 睇多啲書、專注喺自己可以做嘅事上、力竭❤️‍🔥 感謝你🫡比返 feedback 你

昨日早上起身 靜靜地諗咗一陣 回想番自己過去一年怎樣過日子 有咩令我成長。今年給自己最大的禮物係上咗斯多葛這三日課程，改善咗自己怎樣用理性思維去面對將來的生活、人和事。

我係9月班同學，完成3日課程，好驚比人笑，話我做左水魚，不過上完的確覺得個理論個 skill 係用到，實用，promotion leaflet 所寫既"能夠解決99.9999%問題煩惱"係成立，其他無乜名氣既增值課程，都係咁上下價位

好鍾意實體堂，地點方便又舒服，團隊非常專業，同學嘅質素都好高，幫助帶動整個氣氛👍。林作亦演繹得好好，能夠將一個沉悶嘅人生課題，用簡單風趣幽默嘅形式帶俾大家，好多謝你咁忙都抽時間搞呢個班🙏。至於可唔可以解答到我自己本身嘅問題就未知，始終實踐嗰 part 係最重要，將來發生嘅嘢亦都係不可控😂，有緣再見👋

Hi Jo, 我叫 [名字]，係 Live like Jo Lam 學員，一直想了解有關哲學嘅嘢但總係聽唔明，多謝你用咁多咁簡單咁地嘅比喻令我接觸斯多葛，尋晚上完第一堂，我再睇返神經俠侶，之前聽唔明嘅嘢好似又了解多咗，我未知上完會點用/用唔用到哩套系統，至少哩呢2晚我係 enjoy 同投入😀 Thanks and Good Night :)

Hi Jo, 多謝你教授 stoicism 3日哲學課程，我由完全唔認斯多葛哲學，到3日內掌握成個哲學系統嘅核心流。 真心欣賞你，觀察到你背後準備鋪排由概念，結構教授內容，到實行教授演講，你嘅 vision,態度同熱度，都非常重要，好有 impact。 好榮幸，我參加到你第一班教授斯多葛實體課程，可以受到斯多葛思想啟蒙，加上你嘅傳達係令我終身收益。 同樣我都支持你用實體課程，認同 nature 和 social creatures 要有實實在在現場感，有真實的交流、互動、眼神、肢體、情感、熱度，比網上虛擬世界嘅表達都唔會做到，你所講嘅轉化力，入身，入腦到入血程度。 好感恩和好期待你分享教授更多知識比普羅大眾。

Hi 阿作， 多謝你嘅努力，喺香港首推斯多葛哲學理論課，一個非常實用又好現實嘅課題。 相信你在拋下這粒石頭，所泛起的一連串漣漪，絕對能夠慢慢感染香港的社會氣氛 (let's see - maybe)，呢個 Contribution to society concept，very good。 Btw, 我唔 sure 你當初係咪9搞呢個課程，但我真心係好有勇氣咁9 join 既😂 可以話用平常心同埋係一張極度白紙，完成了多過9小時嘅雞精班。 我睇到嘅係你將你可控範圍盡量做到最好，包括你嘅課程內容鋪排& presentation skills，成個課堂氣氛都非常生動有趣無悶場👍，五月班嘅大家都好投入配合。 對於不可控嘅同學發問，你都用盡晒條狗繩嘅長度，好清晰咁樣以 Stoicism 角度去分析/解答每一個嘅個案，個人認為呢一 part 仲正過斯多葛既 theory👍 袋咗入袋嘅嘢，已經唔係用課程嘅價錢量化。

I love this seminar! Jo Sir, thank you so much for doing this. continue support! （YESTERDAY AT 7:08 PM） Part 1｜《斯多葛生活哲學課》課後感 Chapter 1｜我以前真係好鬼憎林作😂 如果要我而家講《斯多葛生活哲學課》究竟帶畀我幾多改變，其實仲太早。 我啱啱先上完堂。真正嘅改變，我覺得唔應該係今日聽完，聽日就話自己人生唔同晒，而係要畀自己幾個月時間，將學到嘅嘢放返落真實生活，再睇自己究竟變成點。 所以，呢個係我嘅 Part 1。 先講一件可能幾得罪作 Sir 嘅事實： 我以前真係好鬼憎林作。😂 我係馬來西亞華僑，曾經喺香港生活十幾年，2017年移居美國。 最初認識林作同裕美，主要都係透過香港傳媒。當時新聞呈現出嚟嘅形象，林作自大、語出驚人，兩個人又經常出現喺一啲負面新聞入面。嗰陣我真係會諗： 「呢兩個人搞乜鬼？林作係咪癲㗎？」 後來 social media 開始普及，我先第一次唔再只係透過傳媒去認識一個人，而係直接睇佢哋自己講乜、做乜。 好奇怪，睇得越多，我反而開始覺得： 「咦？好似唔係我以前認識嗰回事喎。」 最初連撳 Follow，我都有少少猶豫。 因為我以前其實幾在意一樣嘢： 如果我公開欣賞一個有爭議嘅人，其他人會點睇我？ 我喺美國都有類似經驗。我欣賞 Elon Musk，有人知道之後會走嚟質問我： 「點解你會鍾意佢？」 慢慢我開始問自己： 點解我欣賞一個人，需要先得到其他人批准？ 你可以唔認同我，但你又有幾了解我所了解嘅呢個人？ 我唔係盲目崇拜，亦唔係人哋講乜我就信乜。恰恰相反，係因為我自己睇過、觀察過、思考過，我先作出自己嘅判斷。 而家諗返，原來呢件事本身已經係我要學習嘅第一課： 相信自己經過思考之後作出嘅判斷，而唔係永遠將判斷權交畀其他人。 Chapter 3｜原來我嘅「字典」入面，根本冇呢啲答案 另一樣令我非常欣賞嘅，係呢個 seminar 唔係錄好幾條片放上網，然後就等人付款。 作 Sir 親自搵場地、親自教、親自同學員交流。 大家返完工，晚上8點準時開始，上到11點，Q&A 甚至去到11點半。 我喺美國凌晨5點上堂覺得辛苦，但諗返轉頭，香港現場嘅大家返完一日工，其實一樣攰。 但成班人仍然坐喺度學、問問題、交流。 我後來先真正明白： 睇片，同真人一班人坐埋一齊學，真係兩回事。 嗰種交流、嗰種磁場，同埋大家將自己真實人生嘅問題帶入課堂嘅感覺，係一條錄好咗嘅片代替唔到。 而我最享受嘅其中一部分，就係 Q&A。 唔同背景嘅人將自己真正面對緊嘅問題提出嚟，再睇作 Sir 點樣分析、拆解，我先發現： 原來一件我一直以為只有 A 或者 B 兩種處理方法嘅事，可以有 C、有 D，甚至有一個我從來冇諗過嘅答案。 其中一個概念令我特別有感。 好多時候我哋唔識得點樣反應，未必係因為我哋冇能力。 而係： 我哋嘅「字典」入面，根本從來冇人教過，原來可以咁做。 我哋好多處事方法，都來自父母、成長環境、文化、宗教同過往經驗。 如果由細到大有人話畀你聽： 「人係跳唔過呢條河㗎。」 而你一世都未見過有人跳過，你甚至唔會試。 直到有一日，你親眼見到一個人跳過去。 你先第一次問： 「原來可以咁㗎？咁我呢？」 我覺得呢個就係今次課程畀我其中一個最大嘅價值。 唔係作 Sir 代我解決人生所有問題。 而係我開始發現： 原來我仲有其他選擇。 以前唔識做，唔代表我冇能力。 可能只係我從來未見過，亦從來冇人教過我： 「你其實可以咁樣處理。」 當一個人嘅「字典」多咗幾頁，佢面對同一個世界嘅方法，原來真係可以開始唔同。 仲有一樣我真係想特別多謝幕後 production team。 我自己以前都做過 media production，所以對 setup、音響、網絡穩定度、現場配合呢啲細節會比較敏感。 雖然今次我唔喺香港現場，只係透過 Zoom 上堂，但反而更加感受到一個穩定、專業嘅 production 有幾重要。 尤其係作 Sir 有提過轉咗場地之後，Wi-Fi 更加穩定、速度更加快。對現場學員可能只係一個 technical detail，但對我哋靠 Zoom 上堂嘅人嚟講，internet quality 真係直接影響成個 learning experience。 我人在美國，凌晨五點起身上堂，如果聲音、畫面、connection 唔穩定，其實三個鐘頭會非常辛苦。但今次整體上都令我覺得幾專業，而且 online 學員唔係純粹坐喺度「睇直播」。 我哋可以聽現場 Q&A，網上嘅問題亦可以被讀出嚟，仍然有機會同課堂互動。 呢一點對我嚟講非常有意義。 我已經離開香港多年，但竟然可以透過 Zoom，再一次同香港一班人喺同一個時間、同一個課堂入面一齊學習。 科技本身可能唔係新鮮事，但有人認真將每一個細節做好，令一個遠在另一邊嘅人仍然感受到自己係課堂其中一員，呢個感覺真係好唔同。 所以除咗多謝作 Sir，我都想畀一個 Like 成個幕後 crew。 我以前做過 production，所以我知道，台上可以順利發生嘅每一件事，背後其實都有一班人做緊好多觀眾未必睇得到嘅工作。 呢個 Like，係畀作 Sir，亦係畀成個 team。 我要畀自己幾個月。 將今次學到嘅嘢放返入工作、做人、處理衝突、面對恐懼，同每一次需要作決定嘅時候，真正去實踐。 臨近五十歲，我仍然可以重新學習一套方法去理解自己、理解人，同重新選擇自己點樣反應。 至少今次，我好慶幸自己相信咗自己一次。 冇因為身邊人冇100%支持就縮。 冇因為付款麻煩就當係「注定」。 冇因為凌晨四點要起身就放棄。 亦冇再同自己講： 「下一次先啦。」 多謝作 Sir 願意親力親為去做呢個課程，亦祝作 Sir 同裕美身體健康，繼續互相成就。 希望《斯多葛生活哲學課》可以繼續幫到更多人。